ទិដ្ឋភាពទូរទៅ

ហ្វឺស ហ្វាយនែន ជាគ្រឹះស្ថានមីក្រូហិរញ្ញវត្ថុនាំមុខគេមួយនៅកម្ពុជា និងមានឯកទេសក្នុងការផ្តល់កម្ចីលំនៅឋានខ្នាតតូចទៅដល់ប្រជាជនដែលមានចំណូលទាប និងមធ្យម ។ ទីតាំងយុទ្ធសាស្ត្រនេះអនុញ្ញាតឱ្យ ហ្វឺស ហ្វាយនែន បំពេញចន្លោះទីផ្សារដែលត្រូវបានគេមើលរំលង ព្រោះធនាគារពាណិជ្ជស្ទើរតែទាំងអស់ ផ្តោតសំខាន់លើអតិថិជនគោលដៅដែលមានស្ថានភាពសេដ្ឋកិច្ចល្អ។ តាមរយៈការពង្រីកសេវាកម្មរបស់ខ្លួនទៅកាន់អ្នកដែលមានលទ្ធភាពតិចតួចក្នុងការទទួលបានសេវាកម្ចីលំនៅឋានផ្លូវការ ហ្វឺស ហ្វាយនែន បានដើរតួនាទីយ៉ាងសំខាន់ក្នុងការលើកស្ទួយបរិយាបន្នហិរញ្ញវត្ថុ និងពង្រីកវិសាលភាពសេវាកម្ចីលំនៅឋានខ្នាតតូចឱ្យកាន់តែទូលាយជាងមុន។

គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ភីអិលស៊ី  ធ្លាប់ជា​​ក្រុមហ៊ុន​ដែលបណ្តាក់ទុនរួមគ្នារវាងក្រុមហ៊ុន ហ្វឺសហូម ភីអិល ស៊ី ដែលមានទីតាំងក្នុងប្រទេសកម្ពុជា Phillip Capital ដែលមានទីតាំងក្នុងប្រទេសសិង្ហ​បុរី Insitor Fund ដែលមានទីតាំងក្នុងប្រទេសលុចសំបួរ ​​មូលនិធិ​អភិវឌ្ឍន៍​កម្ពុជា ឡាវ (Cambodia-Laos Development Fund) និង Norfund ដែលមានទីតាំងក្នុងប្រទេសន័រវេស។  មកដល់ខែ មិថុនា ឆ្នាំ ២០២២ ភាគហ៊ុន ១០០% ត្រូវបានផ្ទេរដោយ​ស្ថិត​នៅក្រោមការ​គ្រប់​គ្រង​ក្រុម​ហ៊ុន​ក្នុង​ស្រុក។
​​​​​​​
នៅ ហ្វឺស ហ្វាយនែន យើងខ្ញុំជឿថាកម្មសិទ្ធិនៃផ្ទះសម្បែង គឺជាជំហានឆ្ពោះទៅរកជីវិតប្រសើរឡើង។ ការមានផ្ទះជាកម្មសិទ្ធិផ្ទាល់ខ្លួន បានផ្តល់នូវស្ថិរភាពដល់ក្រុមគ្រួសារ ដោយអនុញ្ញាតឱ្យពួកគេចំណាយពេលវេលា និងថាមពល ទៅលើផ្នែកសំខាន់ផ្សេងទៀតនៃជីវិត។ កុមារអាចផ្តោតលើការសិក្សារបស់ពួកគេ ស្ត្រីអាចបន្តអាជីពឬចាប់ផ្តើមអាជីវកម្ម ចំណែកឯគ្រួសារទាំងមូលក៏អាចកសាងទំនាក់ទំនងរឹងមាំជាមួយអ្នកជិតខាង និងសហគមន៍របស់ពួកគេ។ ទំនាក់ទំនងទាំងនេះ បានលើកកម្ពស់ដល់ការលូតលាស់ ការគោរពខ្លួនឯង និងអារម្មណ៍ដ៏ជ្រាលជ្រៅដែលខ្លួនគេជាចំណែកមួយនៅក្នុងសហគមន៍ដែលពួកគេរស់នៅ។ លើសពីនេះទៀត ការមានផ្ទះជាកម្មសិទ្ធិផ្ទាល់ខ្លួន ក៏បានបង្កើតឱ្យមានអត្តសញ្ញាណប្រចាំគ្រួសារ សុវត្ថិភាពផ្ទាល់ខ្លួន និងសុខុមាលភាពគ្រួសារផងដែរ ដែលវាបង្កើតជាមូលដ្ឋានគ្រឹះសម្រាប់អនាគតដ៏ភ្លឺស្វាង។