អនាគតនៃផែនដីយើងអាស្រ័យលើសកម្មភាពដែលយើងធ្វើនៅថ្ងៃនេះ។ នេះជាវិធីអនុវត្តជាក់ស្តែងចំនួន 10 ដើម្បីការពារបរិស្ថាន៖

១. ដើរ ឬជិះកង់ជំនួសការបើកឡាន
ជំនួសឱ្យបើកឡាន ការជ្រើសរើសប្រើការដឹកជញ្ជូនបៃតងដូចជាការដើរ ជិះកង់ ឬប្រើការដឹកជញ្ជូនសាធារណៈ អាចកាត់បន្ថយការបញ្ចេញឧស្ម័នកាបូន និងធ្វើឱ្យសុខភាពអ្នកប្រសើរឡើង។ ការរស់នៅប្រកបដោយចីរភាពអាចចាប់ផ្តើមពីការជំនួសការធ្វើដំណើរខ្លីៗដោយឡាន ជាជិះកង់ ឬដើរលេងជាប្រចាំ។

២. បន្ថយការធ្វើដំណើរតាមយន្តហោះ ចូលរួមការធ្វើដំណើរដែលបន្ថយការបញ្ចេញឧស្ម័ន
ការហោះហើរតាមយន្តហោះជាផ្នែកធំបំផុតនៃការបញ្ចេញឧស្ម័នពិភពលោក។ យើងអាចបន្ថយការហោះហើរដោយជ្រើសរើសរថភ្លើង ឬរថយន្តសាធារណៈសម្រាប់ដំណើរខ្លីៗ។ ការជួបប្រជុំតាមអនឡាញក៏ជាវិធីល្អមួយដែរ។ ប្រសិនបើមិនអាចជៀសវាងការហោះហើរបាន សូមពិចារណាការទិញកម្មវិធីបង្រ្កាបកាបូន។ ការធ្វើជម្រើសដោយយល់ដឹងអាចជួយបន្ថយឥទ្ធិពលបរិស្ថានរបស់យើងបាន។

៣. ទិញផលិតផលក្នុងស្រុក ឬសរីរាង្គ
ការគាំទ្រកសិករ និងអាជីវកម្មក្នុងស្រុកដោយទិញផលិតផលសរីរាង្គ ឬផលិតផលក្នុងស្រុកអាចកាត់បន្ថយការប៉ះពាល់បរិស្ថាន និងប្រើសារធាតុគីមីតិចជាង។ នៅពេលអ្នកទៅផ្សារ សូមគិតពីការជ្រើសផលិតផលស្រស់ និងផលិតនៅក្នុងស្រុក ដើម្បីការពារផែនដី។

៤. ព្យាយាមប្រើអាហារបៃតង (មិនមានសាច់)
ឧស្សាហកម្មផលិតសាច់បង្កើតឧស្ម័នផ្ទះកញ្ចក់ប្រហែល ៦០% នៅលើពិភពលោក។ វាក៏បណ្តាលឱ្យមានការកាប់ព្រៃ និងការបំពុលទឹកផងដែរ។ ការកាត់បន្ថយការទទួលទានសាច់ ឬប្រើជម្រើសអាហារបៃតងប៉ុន្មានដងក្នុងមួយសប្ដាហ៍ អាចជួយផែនដីបានយ៉ាងច្រើន។

៥. មិនគាំទ្រផលិតផលពីសត្វដែលជិតផុតពូជ
សត្វជាច្រើនកំពុងប្រឈមនឹងការផុតពូជដោយសារការប្រើប្រាស់ផលិតផលពីសត្វព្រៃ។ សូមបដិសេធផលិតផលដែលផលិតពីសត្វជិតផុតពូជ និងជ្រើសរើសផលិតផលដែលមានខ្សែផលិតច្បាស់លាស់ និងប្រកបដោយចីរភាព។

៦. ប្រើទឹកឱ្យប្រកបដោយទំនួលខុសត្រូវ
ទឹកគឺជាធនធានមានកំណត់។ ការទទួលខុសត្រូវក្នុងការប្រើទឹក ដូចជាការងូតទឹកឲ្យខ្លី ការជួសជុលក្បាលទឹកច្រែះ ឬប្រើឧបករណ៍សន្សំទឹក អាចជួយបានយ៉ាងច្រើនក្នុងការអភិរក្សទឹក។

៧. គាំទ្រអាជីវកម្មបៃតង
អាជីវកម្មដែលប្រកបដោយចីរភាពអាចសន្សំថ្លៃថាមពលបានដល់ទៅ ៣០%។ ដោយកាត់បន្ថយការប្រើប្រាស់ប្រេង និងការបញ្ចេញឧស្ម័ន ក្រុមហ៊ុនទាំងនេះកំពុងរួមចំណែកក្នុងការការពារផែនដីយើង។

៨. បញ្ឈប់ម៉ូដទាន់សម័យ
ឧស្សាហកម្មម៉ូដបង្កើតឧស្ម័នកាបូនប្រហែល ១០% នៃទាំងពិភពលោក។ អ្វីដែលគួរឱ្យភ្ញាក់ផ្អើលគឺ ៨៥% នៃក្រណាត់ទាំងអស់ត្រូវបានបោះចោលទៅកាន់កន្លែងសំរាម។ ការទិញសម្លៀកបំពាក់ជជុះ ឬគាំទ្រម៉ាកដែលមានការផលិតប្រកបដោយចីរភាពអាចជួយកាត់បន្ថយសំណល់។

៩. លុបអ៊ីមែលមិនចាំបាច់ 
អ៊ីមែលលើសកំណត់តម្រូវឱ្យម៉ាស៊ីនមេប្រើថាមពលច្រើន។ ដូច្នេះការលុបអ៊ីមែលមិនចាំបាច់ ឬឈប់ចុះឈ្មោះក្នុងបញ្ជីសំបុត្ររួម (Unsubscribe) អាចជួយកាត់បន្ថយការប្រើប្រាស់ថាមពលនៅលើពិភពលោក។

១០. បង្រៀនអ្នកដទៃ
ចំណេះដឹងគឺជាថាមពល។ ការចែករំលែកអ្វីដែលអ្នកបានរៀនអំពីចីរភាពអាចជួយឲ្យអ្នកដទៃផ្លាស់ប្តូរផងដែរ។ ប្រសិនបើអ្នកបង្រៀនសមាជិកគ្រួសារ ឬមិត្តភក្ដិ អំពីអ្វីដែលជាចីរភាព នោះវាអាចបង្កើតផលប៉ះពាល់វិជ្ជមានដល់សង្គមទាំងមូល។

ចាប់ផ្តើមថ្ងៃនេះ ដោយរៀនអំពីការរស់នៅប្រកបដោយចីរភាព និងជំរុញអ្នកដទៃឲ្យធ្វើដូចអ្នកផងដែរ។

យោងតាមអត្ថបទ