នៅពេលដែលយើងគិតពីគេហដ្ឋានដែលមានតម្លៃសមរម្យ យើងច្រើនតែគិតដល់ការផ្តល់ជម្រកស្នាក់នៅតែមួយមុខ។ ប៉ុន្តែនៅ ហ្វឺស​ ហ្វាយនែន យើងខ្ញុំបានពិនិត្យមើលកាន់តែស៊ីជម្រៅទៅលើប្រព័ន្ធហេដ្ឋារចនាសម្ព័ន្ធនៅក្នុងផ្ទះ ជាពិសេសគឺប្រព័ន្ធទឹកស្អាត អនាម័យ និងសហគមន៍ (WASH)។

កង្វះខាតប្រព័ន្ធអនាម័យត្រឹមត្រូវ គឺជាមូលហេតុចម្បងមួយដែលបង្កឱ្យមានជំងឺផ្សេងៗចំពោះកុមារ ដែលយើងអាចការពារបាន។ តាមរយៈការបញ្ជ្រាបការទទួលបានប្រព័ន្ធទឹកស្អាត និងអនាម័យ (WASH) ទៅក្នុងជម្រើសកម្ចីលំនៅឋានខ្នាតតូចរបស់យើងខ្ញុំ យើងខ្ញុំមិនមែនគ្រាន់តែផ្តល់ឥណទានសម្រាប់ការសាងសង់ឥដ្ឋ និងបាយអរនោះទេ ប៉ុន្តែយើងកំពុងផ្តល់ឥណទានដល់ការថែទាំសុខភាព។

តាមរយៈឥណទានកែលម្អគេហដ្ឋានរបស់យើងខ្ញុំ គ្រួសារចំនួន ៦,៨៦៩ គ្រួសារ ទទួលបានទឹកស្អាតប្រើប្រាស់ និងប្រព័ន្ធអនាម័យត្រឹមត្រូវ។

ផលជះជាវិជ្ជមានដល់សុខភាពសហគមន៍៖

🔹 សុខុមាលភាពកុមារ៖ ប្រព័ន្ធទឹកស្អាត និងអនាម័យ (WASH) ដែលមានសុវត្ថិភាព ជួយកាត់បន្ថយអត្រានៃការកើតជំងឺឆ្លងតាមទឹក ដែលអនុញ្ញាតឱ្យកុមារលូតលាស់ដោយមានសុខភាពល្អ និងអាចបន្តការសិក្សានៅសាលារៀនបានទៀងទាត់។

🔹 សេចក្តីថ្លៃថ្នូរ និងសុវត្ថិភាព៖ ការធ្វើឱ្យប្រសើរឡើងនូវប្រព័ន្ធអនាម័យក្នុងផ្ទះ ផ្តល់នូវភាពឯកជន និងសុវត្ថិភាព ជាពិសេសសម្រាប់ស្ត្រី និងក្មេងស្រី។

🔹 ភាពធន់នៃសេដ្ឋកិច្ច៖ គ្រួសារដែលមានសុខភាពល្អ នឹងកាត់បន្ថយការចំណាយលើការព្យាបាលជំងឺ និងមិនសូវខកខានការងារ ដែលជួយកាត់បន្ថយវដ្តនៃភាពក្រីក្រ។

សម្រាប់ដៃគូអភិវឌ្ឍន៍ និងស្ថាប័នផ្តល់កម្ចីដែលគិតគូរពីផលជះសង្គម (Impact Lenders) ឥណទានគេហដ្ឋានតម្លៃសមរម្យ គឺជាផ្លូវដ៏មានប្រសិទ្ធភាព និងអាចវាស់វែងបាន ក្នុងការសម្រេចបាននូវគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ គឺ SDG 6 (ទឹកស្អាត និងអនាម័យ) និង SDG 11 (ទីក្រុង និងសហគមន៍ប្រកបដោយចីរភាព)។

ការវិនិយោគលើគេហដ្ឋាន គឺជារបៀបនៃការវិនិយោគលើអនាគតដ៏មានសុខភាពល្អរបស់កុមារ។