វិធីសាស្ត្ររបស់យើងក្នុងការរក្សាបាននូវនិរន្តរភាព

យើងខ្ញុំបានប្តេជ្ញាចិត្តក្នុងការបន្តអភិវឌ្ឍ និងសមាហរន្តកម្មកិច្ចការនិរន្តរភាពទៅក្នុងគ្រប់យុទ្ធសាស្ត្រ និងក្នុងកិច្ចការគ្រប់គ្រងហានិភ័យ ។ កិច្ចការនេះ រួមមានការធ្វើបច្ចុប្បន្នភាពគោលនយោបាយ ប្រព័ន្ធ និងដំណើរការផ្សេងៗជាប្រចាំ ដើម្បីឱ្យស្របទៅតាមអាទិភាពនៃកិច្ចការនិរន្តរភាព។ បន្ថែមពីនេះ យើងខ្ញុំក៏កំពុងកែលម្អស្តង់ដារបាយការណ៍ឱ្យស្របទៅតាមក្របខណ្ឌអន្តរជាតិ ដើម្បីធានាថាភាគីដែលពាក់ព័ន្ធអាចទទួលបានព័ត៌មាន​ដែលមានភាពច្បាស់លាស់ មានភាពស្របគ្នា និងអាចប្រៀបធៀបបាន ។
យើងខ្ញុំបង្ហាញឲ្យឃើញច្បាស់ពីការប្តេជ្ញាចិត្តរបស់យើងចំពោះនិរន្តរភាព តាម​រយៈ​ការផ្តល់អាទិភាពភាគីពាក់ព័ន្ធ និងការចូលរួមគាំទ្រដល់គោលដៅអភិវឌ្ឍន៍ប្រកប​ដោយចីរភាពរបស់អង្គការសហប្រជាជាតិ (SDGs)។
​​​​​​​
ដោយមានរចនាសម្ព័ន្ធក្របខណ្ឌការងារល្អ និងការចាត់ចែងភារកិច្ចច្បាស់លាស់ គណៈកម្មការគ្រប់គ្រងកិច្ចការនិរន្តរភាព បានអនុវត្តយ៉ាងសកម្មក្នុងការត្រួត​ពិនិត្យ​ទៅលើសមិទ្ធផលកាងារ និងកំណត់ពីហានិភ័យដែលសំខាន់ៗ ។ ជាលទ្ធផល យើងបានបញ្ចូលហានិភ័យបន្ថែមទាក់ទងនឹងដំណើរការឥណទាន និងប្រតិបត្តិការទៅក្នុងក្របខណ្ឌការងារគ្រប់គ្រងហានិភ័យរបស់យើង។